Saatlı Rayon Məhkəməsində xuliqanlıqda təqsirləndirilən Zabit Bəşirovun cinayət işi üzrə hökm çıxarılıb.
Pravda.az xəbər verir ki, hadisə 18 fevral 2026-cı ildə Saatlı şəhərində yerləşən marketlərin birində baş verib. Boşanma ərəfəsində olduğu həyat yoldaşının orada işlədiyini düşünən Zabit Bəşirov marketə daxil olaraq qadını görüb ona yaxınlaşıb və boşanmaq istəmədiyini, həmçinin həmin obyektdə onun xəbəri olmadan işləməsini bəhanə edərək mübahisə yaradıb.
Daha sonra Zabit heç bir əsaslı səbəb olmadan, market daxilində malların yığıldığı vitrinlərin arasında, kənar şəxslərin yanında Rayaya qəsdən şillə ilə sifət nahiyəsindən zərbə endirib. Nəticədə zərərçəkmiş şəxs müxtəlif bədən xəsarətləri alıb. Təqsirləndirilən şəxs daha sonra qadına qarşı zor tətbiq etməyə davam edib və onu bıçaqla öldürəcəyi ilə hədələyib.
Hadisədən sonra Zabit Bəşirov saxlanılaraq cinayət məsuliyyətinə cəlb edilib. Hakim Vüqar Qasımovun sədrliyi ilə keçirilən prosesdə o, 9 ay müddətinə azadlığın məhdudlaşdırılması cəzasına məhkum edilib.
Qeyd edək ki, adlar şərtidir.
