Lənkəran rayonunun Digah kəndində "Təzə torpaq sahələri" adlanan ərazidə yol problemi sakinlərin gündəlik həyatını çətinləşdirir.
Cenublu.az xəbər verir ki, ərazidə yolların bərbad vəziyyətdə olması xüsusilə yağıntılı havalarda daha kəskin hiss olunur.
Sakinlərin sözlərinə görə, yağış yağan kimi yol palçıq və gölməçələrlə dolur, nəticədə ərazidə hərəkət demək olar ki, mümkünsüz olur. Bu vəziyyət həm piyadalar, həm də nəqliyyat vasitələri üçün ciddi çətinlik yaradır.
Ərazidə yaşayanlar bildirirlər ki, yolsuzluq problemi uzun müddətdir davam edir və hələ də həllini tapmayıb. Onlar aidiyyəti qurumlardan yolların təmir olunmasını və normal vəziyyətə gətirilməsini xahiş edirlər.
