Narkotik maddənin təsiri altında sükan arxasına keçən şəxs stasionar postda saxlanılıb.
Bu barədə Cenublu.az -a Baş Dövlət Yol Polisi İdarəsindən bildirilib.
Məlumata görə, Neftçala rayon sakini İsmayıl Hüseynov BMW markalı avtomobillə Ələt–Astara avtomagistralında hərəkətdə olarkən Yol Patrul Xidməti Alayının stasionar postunda nəzarət qaydasında saxlanılıb.
Sənədlərin yoxlanılması zamanı sürücünün davranışları şübhə doğurduğundan o, tibbi müayinəyə cəlb olunub. Müayinə nəticəsində həmin şəxsin narkotik vasitənin təsiri altında olduğu müəyyən edilib.
