Lənkəran şəhərində fəaliyyət göstərən "Ağ Saray" şadlıq evində mənşəyi məlum olmayan alkoqollu içkilər aşkarlanıb.
Cenublu.az xəbər verir ki, Qida Təhlükəsizliyi Agentliyinin əməkdaşları şəhərin Füzuli küçəsində yerləşən, Əli Ağayevə məxsus şadlıq evində yoxlama keçiriblər.
Yoxlama zamanı qeydiyyatdan keçməmiş istehsalçı tərəfindən hazırlanan və etiket tələblərini pozan "Organic Ultra" markalı alkoqollu içkilərin toy mərasimində istifadəsinin qarşısı alınıb.
Faktla bağlı inzibati protokol tərtib olunub, məhsullardan nümunələr götürülərək laborator müayinələrə göndərilib. İçkilərin istifadəsi məhdudlaşdırılıb, araşdırmalar davam etdirilir.
