Xırdalanda Yardımlı rayon sakini tanışını zarafata görə döyüb.
1997-ci il təvəllüdlü Sənan Xırdalan şəhərində, Abşeron Gənclər şəhərciyində yerləşən "Piano" restoranının arxasında tanışı Nazirə xəsarət yetirib.
Belə ki, Nazir Sənanın yeni papağı ilə bağlı zarafat edərək "yeni papağın mübarəkdir" deyib. Bu söz Sənana pis təsir edib və o, Naziri kənara apararaq qəfil ona yumruq vurub.
Hadisədən sonra Sənan barəsində Cinayət Məcəlləsinin 128-ci maddəsi ilə ittiham irəli sürülüb. O, məhkəmədə özünü təqsirli bilib.
Abşeron Rayon Məhkəməsinin hökmü ilə Sənana 7 ay 26 gün azadlığın məhdudlaşdırılması cəzası verilib.
Qeyd edək ki, adlar şərtidir.
