İmişlidə söyüş söyən vəzifəli şəxs saxlanılıb.
Qaynarinfo.az xəbər verir ki, 1988-ci ildə İmişli rayonunda doğulmuş şəxs barəsində İnzibati Xətalar Məcəlləsinin 510.1-ci və 535.1-ci maddəsi ilə protokol tərtib edilib və işə məhkəmədə baxılıb.
Məlum olub ki, o, küçədə ucadan qışqırıb, uca səslə telefonla kiməsə nalayiq ifadələr işlədib. Ərazidə xidmətdə olan polis əməkdaşları həmin şəxsi sakitləşdirmək istəyib, ona irad bildirib, lakin o, polisə müqavimət göstərib.
Təqsirləndirilən şəxs məhkəmədə özünü təqsirli bilərək, həmin gün oruc tutduğu üçün gərgin və əsəbi olduğundan polis əməkdaşlarını dinləmədiyini deyib.
Məhkəmənin hökmü ilə o, 15 gün müddətinə inzibati qaydada həbs olunub.
Qeyd edək ki, həbs olunan şəxs "Azərbaycan Dəmir Yolları" QSC-də Yanacaq və Enerji Resurslarının İdarə Edilməsi Departamentinin İmişli təminat məntəqəsində mühafizə üzrə növbə rəisi işləyir.
