Sabirabad rayonunda qumar oynayan şəxslər inzibati məsuliyyətə cəlb olunublar.
Sabirabad rayon sakini Eldar Vəliyev kənddə yerləşən evində dostu Ülvi Məmmədovla qumar oynayıblar.
Keçirilən əməliyyat zamanı Vəliyevin evində stolun üstündən 3 ədəd iyirmi manatlıq, 1 ədəd beş manatlıq, 11 ədəd bir manatlıq pul əsginası və 36 ədəd oyun kartı aşkar edilib.
Hər iki şəxsin barəsində İnzibati Xətalar Məcəlləsinin qumar oyununda iştirak etmə maddəsi ilə ittiham elan edilib və Sabirabad Rayon Məhkəməsinin qərarı ilə hər iki şəxs 3 min manat miqdarında cərimə edilib.
Bundan başqa, Sabirabad rayon sakini, 1989-cu il təvəllüdlü Tacir Əhmədov da qumar oynadığı üçün inzibati məsuliyyətə cəlb olunub. O, 2025-ci ildə Dağıstan Respublikasında işləyib və həmin ilin oktyabr ayında sonuncu dəfə onlayn "Pin-Up" tətbiqi vasitəsi ilə qumar oynayıb.
Əhmədov da İnzibati Xətalar Məcəlləsinin umar oyununda iştirak etmə maddəsi ilə təqsirli bilinib. Məhkəmənin qərarı ilə Əhmədovun barəsində başlanılmış inzibati xəta haqqında iş üzrə icraata inzibati məsuliyyətə cəlb etmə müddəti keçdiyindən İnzibati Xətalar Məcəlləsinin 53.1.6-cı maddəsinə əsasən icraata xitam verilib.
Qeyd edək ki, ad və soyad şərtidir.
Mənbə: Teleqraf.az
