Saatlıda baş verən qətl hadisəsi ilə bağlı rəsmi açıqlama verilib.
Apa.аz xəbər verir ki, bu barədə Saatlı Rayon Prokurorluğu məlumat yayıb.
Bildirilib ki, martın 22-də rayonun Fətəlikənd kənd sakini, 1976-cı il təvəllüdlü Rövşən Abdullayevin ölməsi barədə prokurorluğa məlumat daxil olub.
İlkin araşdırmalarla 1977-ci il təvəllüdlü Rizvan Söhbətovun Rövşən Abdullayevi qəsdən öldürməsinə əsaslı şübhələr müəyyən edilib.
Faktla bağlı Saatlı Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, R. Söhbətov prokurorluq tərəfindən iş üzrə şübhəli şəxs qismində tutulub.
İbtidai istintaq davam edir.
