Neftçala rayonunda 47 yaşlı kişi atasına xəsarət yetirib.
Hadisə rayonun qəsəbələrindən birində baş verib. 1979-cu il təvəllüdlü Azər birgə yaşadıqları evdə atası Məzahir ilə mübahisə edib. Aralarında yaranmış mübahisə zamanı Azər atasını şillə və təpiklə vuraraq onu döyüb, müxtəlif dərəcəli bədən xəsarətləri yetirib.
Azərin barəsində Cinayət Məcəlləsinin 128-ci – qəsdən sağlamlığa zərər vurma maddəsi ilə ittiham elan edilib. İş üzrə ifadə verən Azər ona elan olunmuş ittiham üzrə özünü təqsirli bilib. Məhkəmədə məlum olub ki, təqsirləndirilən və zərərçəkmiş şəxs arasında barışıq əldə edilib.
Neftçala Rayon Məhkəməsinin hökmü ilə Cinayət Məcəllənin 73.2-ci maddəsinə əsasən təqsirləndirilən şəxsin barəsində olan cinayət təqibinə xitam verilib. O, cinayət məsuliyyətindən azad edilib.
Qeyd edək ki, adlar şərtidir.
