Lənkəranda telefon almaq üçün oğurluq edən yeniyetmə ilə bağlı məhkəmə qərarı açıqlanıb.
Cenublu.az-ın məlumatına görə, hadisə rayonun kəndlərindən birində baş verib.
Məhkəmə materiallarına görə, yetkinlik yaşına çatmayan 9-cu sinif şagirdi saç bəzəyi etdirmək üçün tanışının yaşadığı evdə fəaliyyət göstərən gözəllik salonuna gəlib. Salonda müştəri sıxlığı olduğundan ona qonaq otağında gözləməsi tövsiyə olunub. Otaqda tək qalan yeniyetmə dekorun üzərində yerləşən pul qabını görüb. Ətrafda heç kimin olmadığını müəyyənləşdirdikdən sonra pul qabından 760 manat götürərək cibinə qoyub.
Təqsirləndirilən şəxsin ifadəsinə görə, oğurladığı pulun 690 manatını mobil telefon alveri ilə məşğul olan tanışına verib. Məqsədi həmin şəxsdən "iPhone X" markalı telefon almaq olub. Qalan 70 manatdan 50 manatını toy məclisində pul yazdırmaq, 20 manatını isə şəxsi ehtiyacları üçün saxlamağı planlaşdırıb.
Bir müddət sonra pulun itməsi aşkar edilib. Yeniyetmə əvvəlcə hadisəni etiraf etməsə də, sonradan anası və yaxınlarının iştirakı ilə oğurluğu törətdiyini bildirib.
Lənkəran Rayon Məhkəməsinin yekun qərarı ilə o, Cinayət Məcəlləsinin əl yükündən oğurluq maddəsi ilə təqsirli bilinərək, 6 ay müddətində azadlığın məhdudlaşdırılması cəzasına məhkum edilib.
Əsmər Sənani
