Gecəyarısı ər-arvadın mübahisəsi cinayətlə nəticələnib.
Hadisə ötən ilin noyabrın 3-də gecə saat 23 radələrində qeydə alınıb. 1988-ci il təvəllüdlü İmişli sakini Əmir həyat yoldaşı Afaq ilə mübahisə zamanı onu vurub və sağ üz nahiyəsindən xəsarət yetirib.
Faktla bağlı onun barəsində Cinayət Məcəlləsinin 128-ci maddəsi ilə ittiham irəli sürülüb.
Məhkəmə iclasında Əmir özünü təqsirli bildiyini deyib və barəsində amnistiya aktının tətbiq olunmasını xahiş edib.
Nərimanov Rayon Məhkəməsinin hökmü ilə ona "Konstitusiya və Suverenlik İli" münasibətilə Milli Məclisin 19 dekabr 2025-ci il tarixli amnistiya qərarı tətbiq edilib. Nəticədə Əmir cinayət məsuliyyətindən azad olunub və cinayət işi üzrə icraata xitam verilib.
