Lənkəranda ötən ilin avqustunda baş verən dəhşətli qətllə bağlı məhkəmə qərarı qüvvədə saxlanılıb.
Şirvan Apellyasiya Məhkəməsində arvadını öldürməkdə təqsirləndirilən Nicat Lələzadənin verdiyi apellyasiya şikayətinə baxılıb. Sonuncu məhkəmə prosesində qərar elan olunub və şikayət təmin edilməyib.
İstintaqla müəyyən edilib ki, Nicat Lələzadə ondan boşanmaq istəyən həyat yoldaşı Əfsanə Lələzadə ilə yaranmış mübahisə zamanı ona bıçaqla xəsarətlər yetirib. Ağır yaralanan qadın xəstəxanaya çatdırılsa da, həyatını xilas etmək mümkün olmayıb.
Nicat Lələzadəyə Cinayət Məcəlləsinin xüsusi amansızlıqla və ya ümumi təhlükəli üsulla adam öldürmə maddəsi ilə ittiham irəli sürülüb.
Lənkəran Ağır Cinayətlər Məhkəməsinin hökmü ilə o, 17 il 6 ay müddətinə azadlıqdan məhrum edilib və apellyasiya instansiyası da bu hökmü dəyişdirmədən qüvvədə saxlayıb.
Mənbə: Pravda.аz
