Biləsuvarda iki gəncə bıçaq xəsarətləri yetirməkdə şübhəli bilinən şəxs saxlanılıb.
Apa.аz xəbər verir ki, hadisə Biləsuvar şəhəri ərazisində baş verib. Belə ki, şəhər sakinləri, 23 yaşlı Kənan Rəhimli və 20 yaşlı Tərlan Şahbazov bıçaqlanıblar.
Yaralılar Biləsuvar Rayon Mərkəzi Xəstəxanasına hospitalizasiya olunublar. Boğaz nahiyəsindən ağır bıçaq xəsarəti alan K.Rəhimli dərhal reanimasiya şöbəsinə yerləşdirilərək əməliyyata götürülüb.
Hadisə yerinə hüquq-mühafizə orqanlarının əməkdaşları cəlb olunub. Əməli törətməkdə şübhəli bilinən 24 yaşlı Səyyad Qəmbəri polis əməkdaşları tərəfindən saxlanılıb.
Faktla bağlı araşdırma aparılır.
