Biləsuvarda gənclər arasında yaranan mübahisə bıçaqlanma ilə nəticələnib.
Apa.аz xəbər verir ki, hadisə rayonun Bəydili kəndində baş verib. Cəbrayıl rayon sakini, 2004-cü il təvəllüdlü Fərid Həziyevin iş yoldaşları tərəfindən bıçaqlandığı bildirilir.
Biləsuvar Rayon Mərkəzi Xəstəxanasına çatdırılan F. Həziyev əməliyyat olunub, reanimasiyaya yerləşdirilib.
Əməli törətmək şübhəli bilinən 35 yaşlı Tural Əmirxanov və 26 yaşlı Əli Məmmədov polis əməkdaşları tərəfindən saxlanılıblar.
Qeyd edək ki, adı çəkilən şəxslər rayonda inşa olunan Günəş elektrik stansiyasının tikintisində çalışırlar.
Faktla bağlı araşdırma aparılır.
