Astara rayonunda 1967-ci il təvəllüdlü Adil əmisi oğlu Araza xəsarət yetirib.
Hadisə Astara rayonun kəndlərindən birində baş verib. Adil qonşusu və əmisi oğlu Araz ilə mübahisə edib.
Mübahisə zamanı o, Arazın baş və üzünə şillə, yumruq zərbələri vurub, həmçinin boğaz nahiyəsini cırıb.
Adilin barəsində Cinayət Məcəlləsinin qəsdən sağlamlığa zərər vurma maddəsi ilə ittiham elan edilib.
İş üzrə ifadə verən Adil ona elan olunmuş ittiham üzrə özünü təqsirli bilib. Məhkəmədə həm təqsirləndirilən şəxs, həm də zərərçəkmiş şəxs barışdılqarını elan ediblər.
Astara Rayon Məhkəməsinin hökmü ilə təqsirləndirilən şəxsin zərərçəkmişlə barışmasını nəzərə alınıb, onun barəsində olan cinayət təqibinə xitam verilib. O, cinayət məsuliyyətindən azad edilib.
Qeyd edək ki, adlar şərtidir.
