Neftçala rayonunda qonşular arasında baş verən mübahisə xəsarətlə nəticələnib.
Hadisə bu ilin yanvarın 16-da rayonun kəndlərindən birində qeydə alınıb. 34 yaşlı Əkbər həmkəndlisi, özündən 35 yaş böyük olan Əhmədlə mübahisə zamanı ona daşla xəsarət yetirib.
İddialara görə, Səbinə adlı qadınla Əkbərin mübahisəsinə Əhməd müdaxilə edib. Bu zaman tərəflər arasında gərginlik artıb və Əkbər Əhmədin baş nahiyəsinə zərbə endirib.
Hadisə ilə bağlı Əkbər barəsində Cinayət Məcəlləsinin 128-ci maddəsi ilə ittiham irəli sürülüb. O, ifadəsində özünü təqsirli bildiyini deyib və hadisənin mübahisə zəminində baş verdiyini qeyd edib.
Zərərçəkmiş Əhməd isə bildirib ki, mübahisə zamanı qarşı tərəf onu təhqir edib və daha sonra daşla vuraraq xəsarət yetirib: "Küçədən mübahisə səsi gəldiyini eşitdim və evin qarşısına çıxdım. Gördüm ki, Əkbər Səbinə ilə mübahisə edir. Əkbərə dedim ki, ayıbdır, anan yaşındadır, belə danışma. Bundan sonra Əkbər məni söyərək təhqir etməyə başladı. Bu vaxt Əkbəri qorxutmaq üçün yerdən ağac parçası götürdüm. Əkbər üzərimə gələrək ağac parçasını əlimdən aldı və yerdən götürdüyü daş parçasını baş nahiyəmə vuraraq məni döydü. Bu vaxt xəsarət aldım".
Məhkəmədə tərəflər barışığa gəlib. Zərərçəkmiş şikayətini geri götürdüyü üçün Neftçala Rayon Məhkəməsi cinayət işinə xitam verib və təqsirləndirilən şəxs məsuliyyətdən azad olunub.
Zərərçəkmiş Əhməd isə bildirib ki, mübahisə zamanı qarşı tərəf onu təhqir edib və daha sonra daşla vuraraq xəsarət yetirib.
Məhkəmədə tərəflər barışığa gəlib. Zərərçəkmiş şikayətini geri götürdüyü üçün Neftçala Rayon Məhkəməsi cinayət işinə xitam verib və təqsirləndirilən şəxs məsuliyyətdən azad olunub.
