Vaxtilə Azərbaycan Premyer Liqasında top qovan Portuqaliyanın U-21 yığmasının sabiq üzvü Antonio Semedo sportal.az-a açıqlama verib.
"Styaua", "Xəzər Lənkəran", ÇFR, "Eştrela Amadora" klublarında oynamış veteran hücumçu Azərbaycan millisinin portuqaliyalı baş məşqçisi Fernandu Santuş barədə danışıb.
Sportinfo.az xəbər verir ki, o, həmyerlisinin millimizdəki işini qiymətləndirib:
"Fernandu Santuş Portuqaliya ilə Avropa çempionu olub. Amma Azərbaycanla bağlı problemlər fərqlidir.
Azərbaycanda Portuqaliya və ya digər yüksək səviyyəli futbol ölkələrindəki kimi, keyfiyyət yoxdur. Bu da məşqçinin istənilən uğurları ardıcıl qazanmasını çətinləşdirir.
Santuş müdafiə və praqmatik üslubu ilə tanınır. Bu, daha güclü heyətə malik olan komandalar üçün təsirli ola bilər.
Lakin Azərbaycan üçün nə dərəcədə təsirli ola bilər, nəsə deyə bilmərəm. Azərbaycanın D liqasına düşməsindən xəbərdaram.
