Vaxtilə Azərbaycan çempionatında uğurlar qazanmış və avrokuboklarda çıxış etmiş Masallı komandası 25 ildən sonra yenidən fəaliyyətə başlayıb.
Cenublu.az xəbər verir ki, artıq komanda “Masallı PFK” deyil, “Viləş PFK” adı ilə çıxış edəcək. Klub rəhbərliyi bildirib ki, yeni mərhələ Masallı futbolu üçün böyük ümidlər və hədəflərlə başlayır:
“Masallıda 25 illik həsrətə son qoyduq. Sizlərin səbirsizliklə gözlədiyiniz “Viləş” komandasını geri qaytardıq. Bu gündən etibarən “Masallı” PFK deyil, “Viləş” PFK olaraq xidmətinizdəyik. Siz əziz Masallılarla birlikdə çox böyük işlər görəcəyik”.
