Ölkəmizin 35 şəhər və rayonunda orta məktəblərin 5-ci sinif şagirdləri “Üzməyi öyrənək” layihəsinin V mərhələsinə qoşulublar.
Cenublu.az xəbər verir ki, layihə Gənclər və İdman Nazirliyi və Azərbaycan Üzgüçülük Federasiyasının birgə əməkdaşlığı ilə keçirilir.
Cəlilabad, Gəncə, Goranboy, Göyçay, Göygöl, Hövsan, Xaçmaz, İmişli, İsmayıllı, Kürdəmir, Qax, Qəbələ, Quba, Qusar, Lənkəran, Neftçala, Oğuz, Saatlı, Salyan, Sumqayıt, Şağan, Şəki, Şəmkir, Şirvan, Tovuz Olimpiya İdman Komplekslərində və "Kür" Olimpiya Tədris-İdman Mərkəzində təşkil edilmiş üzgüçülük məşğələlərinə ümumilikdə 1400-dək iştirakçı qatılıb.
Layihənin əsas məqsədi uşaqlara üzməyi öyrətməklə onların sağlamlığını təmin etmək, bu idman növünün təbliği və inkişafına nail olmaqdır.
