Masallıda voleybol üzrə rayon turniri başa çatıb. Bu haqda məlumatı Cenublu.az bu gün, 26 dekabr tarixində verir.
“Heydər Əliyev ili” çərçivəsində keçirilən yarış Olimpiya Kompleksində baş tutub. Burada Türkoba Bələdiyyəsini təmsil edən “Türkoba“ komandası turnirin qalibi adını qazanıb, Masallının “Dərya” komandası ikinci, Viləş kəndinin “Təhsil” komandası üçüncü yerə sahib olub. Qalib komandalara diplom, medal və kubok təqdim olunub.
Turnir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə həyata keçirilib.
