Masallı Olimpiya Kompleksində məktəblilər arasında voleybol turniri baş tutub. Bu haqda məlumatı Cenublu.az bu gün, 27 dekabr tarixində verir.
Dünya Azərbaycanlılarının Həmrəylik Gününə həsr olunmuş voleybol yarışında Masallı Rayon İcra Hakimiyyətinin başçısı Araz Əhmədov, Azərbaycan Respublikası Dövlət Gömrük Komitəsinin sədri, Voleybol Federasiyasının prezidenti Şahin Bağırov, Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun müdiri, Masallı Uşaq-Gənclər İdman-Şahmat Məktəbinin direktoru iştirak ediblər.
Yekunda qalib komandalar təşkilatçılar tərəfindən diplomlarla mükafatlandırılıblar.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və Masallı Uşaq-Gənclər İdman-Şahmat Məktəbinin birgə təşkilatçılığı ilə keçirilib.
