Masallıda “Sağlam Həyat” layihəsi çərçivəsində kütləvi idman tədbiri təşkil olunub. Bu haqda məlumatı Cenublu.az bu gün, 6 aprel tarixində verir.
Tədbir Boradigah İdman zalının qarşısında baş tutub. Burada futbol, voleybol, atletika və kəndirdartma idman növləri üzrə nümunəvi çıxışlar və yarışlar keçirilib.
Yarışlarda 70 nəfərə yaxın uşaq, yeniyetmə və gənc iştirak edib. Fərqlənən idmançılara sertifikatlar təqdim olunub.
Tədbir Lənkəran–Astara Regional Gənclər və İdman İdarəsinin təşkilatçılığı ilə həyata keçirilib.
