Masallıda oğlanlar və qızlar arasında stolüstü tennis üzrə rayon turniri təşkil olunub. Bu haqda məlumatı Cenublu.az bu gün, 23 may tarixində verir.
Spartakiada çərçivəsində keçirilən yarış Masallı Stolüstü Tennis filialında baş tutub. Burada 6 rayondan 31 nəfər idmançı iştirak edib.
Rayon turnirində komanda hesabında Masallı komandası 1-ci, Yardımlı komandası 2-ci, Lənkəran komandası 3-cü yerə layiq görülüb. Onlar Spartakiadanın açılış mərasimində medal və diplomlarla təltif olunacaqlar.
28 May – Müstəqillik Gününə həsr olunmuş turnir Lənkəran–Astara Regional Gənclər və İdman İdarəsinin təşkilatçılığı ilə həyata keçirilib.
