Masallıda şəhid övladları arasında idman tədbiri təşkil olunub. Tədbirin əsas məqsədi şəhid ailələrinin övladlarına dəstək olmaq, onların sosial fəaliyyətlərini artırmaq və birlik ruhunu gücləndirməkdən ibarət olub.
Cenublu.az xəbər verir ki, tədbirdə Masallı RİH-nin, rayon üzrə gənclər və idman sektorunun, rayon Uşaq-Gənclər İdman Məktəbinin əməkdaşları, şəhid valideynləri, Lənkəran, Astara, Masallı rayonlarından olan şəhid övladları iştirak ediblər. Yarışda müxtəlif əyləncəli idman yarışları təşkil edilib.
Yekunda iştirakçılara diplom, medal və hədiyyələr təqdim olunub.
Qeyd edək ki, tədbir Olimpiya Kompleksində “Vətən Naminə Şəhid Ailələrinə Dəstək” İctimai Birliyinin təşkilatçılığı və idarənin dəstəyi ilə keçirilib.
