Masallıda Heydər Əliyevin anadan olmasının 101-ci ildönümünə həsr olunmuş minifutbol turniri baş tutub. Bu haqda məlumatı Cenublu.az bu gün, 10 may tarixində verir.
Oyun Təzə Alvadı kənd futbol meydançasında baş tutub. Burada Masallı rayon komandaları ilə yanaşı, Cəlilabad rayonunu təmsil edən ümumilikdə 14 komanda iştirak edib.
Finalda Masallının Binə Xocavar kənd komandası 1:0 hesabı ilə Cəlilabadın Şıxlar kənd komandasına qalib gəlib.
Qalib komandalar kubok, medal və diplomlarla təltif olunub.
Turnir Lənkəran–Astara Regional Gənclər və İdman İdarəsinin təşkilatçılığı ilə keçirilib.
