Masallıda şəhid Zeynal Şahhüseynlinin xatirəsinə həsr olunmuş sərbəst güləş üzrə rayon turniri baş tutub. Bu haqda məlumatı Cenublu.az bu gün, 18 may tarixində verir.
Yarış “Cəngavər” güləş idman zalında keçirilib. Burada 100 nəfərə yaxın yeniyetmə qüvvəsini sınayıb. Onlardan l, II və lll yerləri tutan idmançılar diplom və medallarla təltif olunublar.
Tədbirin mükafatlandırılma mərasimində Lənkəran–Astara Regional Gənclər və İdman İdarəsinin Masallı rayonu üzrə sektorunun əməkdaşları, şəhid valideynləri və qazilər iştirak ediblər.
Turnir Lənkəran–Astara Regional Gənclər və İdman İdarəsinin təşkilatçılığı ilə həyata keçirilib.
