Masallıda məktəbli qızlar arasında atletika üzrə rayon turniri keçirilib. Bu haqda məlumatı Cenublu.az bu gün, 3 aprel tarixində verir.
Masallı Olimpiya Kompleksində təşkil edilən turnirdə Masallı rayon tam orta ümumtəhsil məktəblərində təhsil alan VII-VIII-IX sinif şagirdləri iştrak ediblər.
Ümumilikdə 60 nəfərə yaxın şagirdin iştirak etdiyi turnirdə qızlar 100 metr məsafə üzrə yarışıblar.
Turnirdə qalib gələn şagirdlər Lənkəran–Astara Regional Gənclər və İdman İdarəsi tərəfindən diplom və medallarla mükafatlandırılıblar.
Qeyd edək ki, turnir Lənkəran–Astara Regional Gənclər və İdman İdarəsinin təşkilatçılığı, Lənkəran–Astara Regional Təhsil İdarəsinin tərəfdaşlığı ilə keçirilib.
