Masallı idmançıları Azərbaycan birinciliyi və çempionatında 5 medal qazanıblar.
Cenublu.az xəbər verir ki, taekvondo üzrə yeniyetmə və gənclər arasında ölkə birinciliyi, böyüklər arasında Azərbaycan çempionatı Fövqəladə Hallar Nazirliyinin İdman Sağlamlıq Klubunda keçirilib. Burada Masallı rayon Uşaq Gənclər İdman Məktəbinin yetirmələri Ədiş Cəlilov (49 kq) 1-ci, Şəhanə Baxşıyeva (55 kq) 2-ci, Zəhra Hüseynova (33 kq) 3-cü yerə layiq görülüblər.
Böyüklər arasında isə Rahid Vəliyev (58 kq) çempionatın qızıl, Sevda Əzizova (67 kq) isə bürünc medalını qazanıblar.
İdmançıları yarışlara Lənkəran-Astara Regional Gənclər və İdman İdarəsinin nəzdindəki Masallı Uşaq-Gənclər İdman Məktəbinin məşqçi-müəllimi Sadiq Ağayev hazırlayıb.
