Bu gün, oktyabrın 30-da Masallı və Salyan rayonlarının bir sıra ərazilərində təbii qazın verilişində müvəqqəti fasilə yaranacaq.
Cenublu.az xəbər verir ki, saat 10:00-dan etibarən Masallı rayonunun Boradigah qəsəbəsində, Mollaoba, Babaser və Bədəlan kəndlərində, həmçinin Türkoba kəndinin bir hissəsində qaz təchizatı dayandırılacaq.
Eyni zamanda, saat 10:00-dan başlayaraq Salyan şəhərinin bir neçə küçəsində də qazın verilişi müvəqqəti məhdudlaşdırılacaq.
Fasilələrə səbəb ərazilərdə aparılacaq təmir-quraşdırma işləridir.
Qaz təchizatı işlər başa çatdıqdan sonra bərpa olunacaq.
