Bu gün Lənkərandan olan Vətən müharibəsi şəhidimiz Emil Qurbanovun xatirələri anılır.
Azərbaycan Silahlı Qüvvələrinin leytenantı Emil Qurbanov 1980-ci il avqustun 25-də Lənkəranda anadan olub.
2002–2003-cü illərdə həqiqi hərbi xidmətdə olan Emil Qurbanov leytenant rütbəsini alıb. 2003-cü ilin oktyabrında Tərtər rayonunun "N" saylı hərbi hissəsində tağım komandiri kimi xidmətə başlayıb. O, Lənkəran Şəhər Uşaq-Gənclər İdman Məktəbinə məşqçi-müəllim təyin olunub. 2012-ci ildə Lənkəran şəhər A.Məhərrəmov adına 7 nömrəli tam orta məktəbdə gənclərin çağırışaqədərki hazırlığı müəllimi kimi işləməyə başlayıb.
Vətən müharibəsi zamanı tağım komandiri kimi Füzuli, Xocavənd və Qubadlı uğrunda gedən döyüşlərdə iştirak edib. 2020-ci il oktyabrın 29-da Qubadlının düşməndən azad olunması uğrunda gedən döyüşlərdə şəhid olub. Noyabrın 6-da Lənkəranda dəfn olunub.
Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" medalları və "Azərbaycan Bayrağı" ordeni ilə təltif olunub.
