Futbol üzrə Azərbaycan çempionatının II Liqasında VII tura start verilib.
Apasport.az-ın məlumatına görə, bu gün baş tutmalı olan 4 qarşılaşmadan 1-i keçirilməyib.
Saat 15:00-da başlamalı olan “Şəfa” - “Lerik” matçı ləğv olunub. Buna səbəb isə “Lerik”in maliyyə problemi olduğuna görə "Şəfa " ilə oyun üçün Bakıya gələ bilməməsidir.
Qaydalara əsasən, gecikən komanda 35 dəqiqə gözlənilib. Lakin “Lerik” vaxtın tamamında “ASK Arena”da olmadığından matç ləğv edilib.
Bu səbəbdən cənublulara texniki məğlubiyyət veriləcək. Qərar AFFA İcraiyyə Komitəsinin növbəti iclasında rəsmiləşəcək.
