Lənkəranlı idmançı Abbas Şəfiyev sərbəst güləş üzrə U-15 Avropa çempionatında qalib olub. Bu haqda məlumatı Cenublu.az bu gün, 20 may tarixində verir.
Belə ki, Yunanıstanın Lutraki şəhərində keçirilən güləş üzrə U-15 Avropa çempionatında sərbəst güləş millimiz uğurlu çıxış edərək komanda hesabında qitə çempionu olub.
Sərbəst güləş üzrə milli komandamız 1 qızıl, 3 gümüş və 4 bürünc medal qazanıb. Yekunda 140 xal toplayan millimiz ən yaxın izləyicisini 31 xal qabaqlayaraq komanda hesabında Avropa çempionu olub.
Beləliklə, U-15 Avropa çempionatları tarixində ilk dəfə sərbəst güləş üzrə millimiz komanda hesabında 1-ci yeri tutub.
Qeyd edək ki, idmançımız Abbas Şəfiyevin (44 kq) və digər güləşçilərimizin hazırlanmasında Əməkdar məşqçi Baba Rzayevin və Firuz Əkbərovun çox böyük əməkləri var.
