Lənkəranlı atletlər Bakı şəhərinin Şüvəlan qəsəbəsindəki Ağır Atletika Mərkəzində keçirilən yeniyetmələr arasında ağırlıqqaldırma üzrə Azərbaycan birinciliyində yüksək nəticə göstəriblər.
Belə ki, Əlimehti Hüseynov (49 kq), Nicat Babayev (81 kq), Hüseyn Heydərov (89 kq), Sadiq Əliquluzadə (102 kq) I yerə, Əbdülhüseyn Hüseynov (61 kq) və Hüseyn Hüseynov (102 kq) isə II yerə layiq görülüblər.
Qeyd edək ki, respublika birinciliyində ölkənin şəhər və rayonlarının idman cəmiyyətləri, klubları və mərkəzlərini təmsil edən 150-dən çox gənc atlet iştirak edib.
