Lənkəran ağırlıqqaldırma məktəbinin yetirməsi Fuad Həsənov Avropa birinciliyində 2 medal qazanıb.
Cenublu.az xəbər verir ki, 24 oktyabr - 4 noyabr tarixlərində Polşanın Raşin şəhərində keçirilən ağırlıqqaldırma üzrə gənclər və 23 yaşadək atletlər arasında Avropa birinciliyində Azərbaycanı təmsil edən lənkəranlı yetirmə körpücük üzərinə çıxıb və uğur qazanıb. O, yaşı 23-ə qədər atletlərin mübarizəsində 67 kq çəki dərəcəsində yarışıb.
Fuad Həsənov birdən qaldırma hərəkətində 131 kq-ı başı üzərinə qaldıraraq 4-cü olub.
Atletimiz təkanla qaldırma hərəkətində daha yaxşı çıxış edib. O, 156 kq-ı qaldıraraq bu hərəkətdə Avropa birinciliyinin bürünc medalçısı olub.
Fuad toplam 287 kq (131+156) nəticə ilə yekun sıralamada bürünc medal qazanmağı bacarıb.
