Lənkəran şəhərində "Şahin" hərbi idman oyununun Lənkəran–Astara iqtisadi zonası üzrə zona mərhələsi başa çatıb. Bu haqda məlumatı Cenublu.az bu gün, 30 aprel tarixində verir.
Yarışda ən yüksək bal toplayan Lerik, Cəlilabad və Astara rayon komandaları ilk üç yerə layiq görülüb.
Hərbi idman oyununun təşkilində əsas məqsəd yeniyetmə və gənclərdə vətənpərvərlik ruhunun, milli qürur hissinin yüksəldilməsi, onların mənəvi-psixoloji və hərbi-fiziki hazırlığının təmin olunması, şanlı zəfər tarixinin təbliğidir.
Qeyd edək ki, bu il oyunun finalı Lənkəranda baş tutacaq.
