Lənkəran şəhər H.Aslanov adına 3 nömrəli tam orta məktəbdə sağlam həyat tərzi və qızların idmana cəlb olunması istiqamətində məktəb şagirdləri ilə görüş və 3x3 basketbol yarışı baş tutub. Bu haqda məlumatı Cenublu.az 9 may tarixində verir.
Heydər Əliyevin anadan olmasının 101-ci ildönümünə həsr olunmuş tədbirdə qızların idmana cəlb edilməsi, onlar arasında idmana marağın yüksəldilməsi, rayonda qadınlar arasında keçirilən idman yarışlarının sayının artırılması, bu istiqamətdə qarşıda duran vəzifələr barədə müzakirələr aparılıb.
Daha sonra iştirakçıların sualları cavablandırılıb.
Tədbir Lənkəran–Astara Regional Gənclər və İdman İdarəsinin, Lənkəran–Astara Regional Təhsil İdarəsinin birgə təşkilatçılığı ilə keçirilib.
