Lənkəranda "İdmana başla, Çempion ol" adı altında yeniyetmələrin idmana cəlb olunması üçün tədbir keçiriləcək.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, tədbir 23 avqust saat 10:00-da Akademik Zərifə Əliyeva küçəsi 78/5, Sağlam məhəllə idman zonasında baş tutacaq.
Tədbirdə maraqlı, əyləncəli və müxtəlif idman oyunları təşkil olunacaq.
Fərqlənən iştirakçılar Lənkəran-Astara Regional Gənclər və İdman İdarəsinin sertifikatları ilə təltif ediləcəklər.
