Lənkəranda “Heydər Əliyev İli” çərçivəsində futzal idman növü üzrə regional yarış təşkil edilib. Bu haqda məlumatı Cenublu.az bu gün, 26 dekabr tarixində verir.
31 Dekabr – Dünya Azərbaycanlılarının Həmrəyliyi Gününə həsr olunmuş turnir Olimpiya İdman Kompleksində baş tutub. Burada Lənkəran-Astara Regional Təhsil İdarəsinin tabeliyində fəaliyyət göstərən sektorların əməkdaşlarından ibarət 6 yığma komanda yarışıb. Nəticədə Lənkəran komandası I yerə, Cəlilabad komandası isə II yerə layiq görülüb. Qalib komandalar kubok və diplomlarla mükafatlandırılıb.
Qeyd edək ki, tədbir Lənkəran-Astara Regional Gənclər və İdman İdarəsi və Lənkəran-Astara Regional Təhsil İdarəsinin birgə təşkilatçılığı ilə keçirilib.
