Lənkəranda banklar və bank olmayan kredit təşkilatları arasında "Bankirlər kuboku" minifutbol çempionatının final oyunu və təltifetmə mərasimi keçirilib. Bu haqda məlumatı Cenublu.az bu gün, 19 mart tarixində verir.
Çempionata 2 fevral 2024-cü il tarixində start verilib və yarışda 6 komanda mübarizə aparıb.
Birinci yeri “Yelo Bank” komandası, ikinci yeri “ASEL Kredit” komandası, üçüncü yeri isə “Bank Respublika” komandası tutub.
Birinci yeri tutan komanda diplom və kubokla, iki və üçüncü yerləri tutan komandaların oyunçuları, ən yaxşı qapıçı və oyunçu diplom və hədiyyələrlə təltif ediliblər.
Qeyd edək ki, yarışma Lənkəran–Astara Regional Gənclər və İdman İdarəsinin, Cənub Regional Futbol Federasiyasının birgə təşkilatçılığı ilə “Raypo” istirahət mərkəzinin minifutbol stadionunda baş tutub.
