Lənkəranda Ümumdünya Sağlamlıq Günü münasibətilə məhəllə sakinləri üçün açıq idman tədbiri keçirilib. Bu haqda məlumatı Cenublu.az bu gün, 6 aprel tarixində verir.
"Sağlam Həyat" günləri çərçivəsində keçirilən tədbir “Sağlam məhəllə” idman zonasında baş tutub. Burada yeniyetmələrlə futbol, basketbol və atletika idman növləri üzrə yarışlar təşkil edilib.
Yarışlar Lənkəran–Astara Regional Gənclər və İdman İdarəsi tərəfindən təşkil olunub. Onların keçirilməsində məqsəd yeniyetmə və gənclər arasında idmana maraq oyatmaq, onların fiziki aktivliyini artırmaq və sağlam həyat tərzini təbliğ etməkdir.
