Güləş məşqçilərinin Ümumrespublika seminarının növbəti mərhələsi Lənkəran şəhərində keçirilib.
Cenublu.az Azərbaycan Güləş Federasiyasına istinadən xəbər verir ki, Olimpiya İdman Kompleksində təşkil edilən tədbirdə Lənkəran, Astara, Lerik, Masallı, Yardımlı və Cəlilabaddan olan məşqçilər iştirak edib.
I-S kateqoriyalı referi Sədi Quliyev video görüntülərlə yarışlarda yaranan mübahisəli epizodları şərh edib. Seminarın praktiki hissəsi isə Z.Abbasovun keçdiyi nümunəvi məşqdən ibarət olub.
Qeyd edək ki, güləş məşqçilərinin Ümumrespublika seminarının növbəti mərhələsi Sabirabad şəhərində keçiriləcək.
