AFFA İntizam Komitəsi Həvəskar Liqanın I turu çərçivəsində keçirilən “Ərkivan” (Masallı) – “Şirvan” oyununda baş verən qayda pozuntuları ilə bağlı cəzaları açıqlayıb. Bu haqda məlumatı Cenublu.az bu gün, 30 aprel tarixində verir.
Belə ki, matçın 88-ci dəqiqəsində qonaq komandanın futbolçusu Taleh Fətəliyev hakimlər briqadasının ünvanına təhqiramiz ifadələr işlətdiyinə və baş hakimi vurmağa cəhd etdiyinə görə 5 oyunluq diskvalifikasiya edilib.
Qarşılaşmanın son anlarında isə meydan sahiblərinin azarkeşləri hakimlər briqadasını vurmağa cəhd ediblər.
Qeyd edək ki, “Ərkivan” klubu bu səbəbdən növbəti 3 ev görüşünü azarkeşsiz keçirəcək.
