Masallını təmsil edən güləşçi Əmrah Əmrahov (48 kq) bürünc medal qazanıb.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, İordaniyanın Amman şəhərində güləş üzrə U-17 dünya çempionatı keçirilib. İdmançımız Ə.Əmrahov 1/8 finalda ukraynalı həmkarına 3:1 hesabı ilə qalib gəlsə də, 1/4 finalda iranlıya məğlub olub.
Təsəlliverici görüşdə bolqarıstanlı rəqibinə tam üstünlüklə (9:0) qalib gələn pəhləvanımız bürünc medal uğrunda görüşə vəsiqəni təmin edib. Əmrah qazaxıstanlı idmançını 3:1 hesabı ilə yenərək dünya çempionatının üçüncüsü olub.
Ə.Əmrahov Lənkəran-Astara Regional Gənclər və İdman İdarəsinin nəzdində Masallı Uşaq Gənclər İdman Məktəbinin yunan-Roma bölməsinin məşqçi-müəllimi Qismət Əkbərovun tələbəsidir.
