Cəlilabadda müəllimlər arasında minifutbol üzrə rayon turniri keçirilib. Bu haqda məlumatı Cenublu.az bu gün, 13 may tarixində verir.
Yarış Sərhədabad kənd tam orta məktəbinin minifutbol meydançasında baş tutub. Burada 13 ümumtəhsil məktəbinin müəllimlərindən ibarət komandalar iştirak edib.
Yekunda 2 nömrəli tam orta məktəbin komandası I yerə, Abazallı kənd tam orta məktəbinin komandası II yerə, Ağusəm kənd ümumi orta məktəbinin komandası isə III yerə layiq görülüb.
Qalib gələn komandalar kubok, diplom və medallarla mükafatlandırılıb.
Heydər Əliyevin anadan olmasının 101-ci ildönümünə həsr olunmuş turnir Lənkəran–Astara Regional Gənclər və İdman İdarəsinin və Lənkəran–Astara Regional Təhsil İdarəsinin birgə təşkilatçılığı ilə keçirilib.
