Cəlilabadda Heydər Əliyevin anadan olmasının 101-ci ildönümünə həsr olunmuş minifutbol turniri keçirilib. Bu haqda məlumatı Cenublu.az bu gün, 6 may tarixində verir.
Yarış Sərhədabad kənd tam orta məktəbinin idman meydançasında baş tutub. Burada 23 məktəbin şagirdlərindən ibarət komandalar iştirak edib.
Turnirdə Həziabad kənd tam orta məktəbinin komandası l yerə, Günəşli kənd 1 nömrəli tam orta məktəbinin komandası ll yerə, Cəlilabad şəhər 1 nömrəli tam orta məktəbinin komandası isə lll yerə layiq görülüb.
Qalib komandalar Lənkəran–Astara Regional Gənclər İdman İdarəsinin və Lənkəran–Astara Regional Təhsil İdarəsinin diplomları ilə təltif edilib.
