Astarada “Sərhəd” hərbi-idman oyununun rayon turu təşkil edilib. Bu haqda məlumatı Cenublu.az bu gün, 16 mart tarixində verir.
Yarışda 8 komanda - 40 nəfər məktəbli, 8 nümayəndə və 3 nəfərdən ibarət hakim heyəti iştirak edib.
1-ci yerə Y.Ağayev adına Artupa kənd tam orta məktəbinin “Qartal” komandası, 2-ci yerə 5 saylı tam orta məktəbin “Aslanlar” komandası, 3-cü yerə C.Babayev adına şəhər 3 saylı tam orta məktəbin “Zirvə” komandaları layiq görülüb.
Tədbir Lənkəran Sərhəd Dəstəsinin, Lənkəran-Astara Regional Gənclər və İdman İdarəsinin, Lənkəran-Astara Regional Təhsil İdarəsinin birgə təşkilatçılığı ilə baş tutub.
