Astarada Müstəqillik Gününə həsr olunmuş 8-ci sinif məktəb komandaları arasında futzal üzrə rayon turniri baş tutub. Bu haqda məlumatı Cenublu.az bu gün, 24 may tarixində verir.
Turnir Ceyhun Babayev adına 3 nömrəli tam orta məktəbdə keçirilib. Burada 8 komandada 40 nəfər məktəbli oğlan yarışıb. Yarışın baş hakimi məktəbin fiziki tərbiyə müəllimi Rəşad Əliyev olub.
Yekunda Aqşin Hüseynov adına Suparibağ kənd tam orta məktəbinin komandası 1-ci, Ziya Bünyadov adına Astara şəhər 2 nömrəli tam orta məktəbin komandası 2-ci, M.Ə.Sabir adına Astara şəhər 1 nömrəli tam orta məktəbinin komandası isə 3-cü yerə layiq görülüb.
Qalib komandaya Lənkəran–Astara Regional Gənclər və İdman İdarəsinin kuboku, I, II, II yerləri qazanan komandalara diplomlar və medallar təqdim edilib.
Tədbir Lənkəran–Astara Regional Gənclər və İdman İdarəsinin, Lənkəran–Astara Regional Təhsil İdarəsinin birgə təşkilatçəlığı ilə keçirilib.
