Ziya Bünyadov adına Astara şəhər 2 saylı tam orta məktəbuində 3x3 basketbol üzrə məktəblilər arasında rayon turniri baş tutub. Bu haqda məlumatı Cenublu.az bu gün, 3 may tarixində verir.
Turnirdə 5 məktəb komandası mübarizə aparıb.
I yerə M.Ə.Sabir adına Astara şəhər 1 nömrəli tam orta məktəbinin komandası, II yerə Ziya Bünyadov adına Astara şəhər 2 nömrəli tam orta məktəbinin komandası, III yerə Səncərədi kənd tam orta məktəbinin komandası layiq görülüb.
Sonda fəxri yerləri qazanan komanda üzvlərinə Lənkəran–Astara Regional Gənclər və İdman İdarəsinin diplomları təqdim edilib.
Ümummilli lider Heydər Əliyevin anadan olmasının 101-ci ildönümünə həsr olunmuş turnir Lənkəran–Astara Regional Gənclər və İdman İdarəsinin, Lənkəran–Astara Regional Təhsil İdarəsi tərəfindən təşkil olunub. Yarışın baş hakimi Azərbaycan Respublikasının Fəxri Bədən Tərbiyəsi və İdman işçisi, Z.Bünyadov adına 2 nömrəli məktəbin fiziki tərbiyə müəllimi Afət Əkbərov olub.
