Real TV-nin baş direktoru, əslən Yardımlıdan olan Mirşahin Ağayev Nigar Fərhadın aparıcısı olduğu verilişin bağlanamasına reaksiya verib.
Cenublu.az xəbər verir ki, Mirşahin öz sosial şəbəkə səhifəsində paylaşım edib:
“Bir telekanalın aparıcısı ehtiyatsız ifadəyə yol verib. Audiovizual Şura da, çalışdığı kanal da tədbir görüb. Əslində söhbət bağlanmalı idi… Amma yox… linç tam sürətlə davam edir. Bilən də, bilməyən də, başı çıxan da, çıxmayan da bir insanı gözümüzün qabağında mənəvi terrora məruz qoymaqdadır! Hamısı cəsarətli çıxıb! Belə həssassınızsa, dəyər qədri bilənsinizsə, hər gün milləti təhqir edən antigigiyenik Sevinc Osmanqızı, Tural Sadiqli, Qənimət Zahid, Məhəmməd Mirzəli, soyadını unutduğum Qabil, Manaf və s. kimi əsl ictimai məzəmmətə, linçə layiq olan zir-zibil topasının üzərinə gedin! Niyə susurdunuz? Niyə susursunuz? Cəsarətiniz varsa, onlara irad bildirin, məzəmmət edin, onlarla vuruşun! Onları linç edin! Bu zir-zibil “tv”-lərin xalqımızı hər gün təhqir etməsinə susan dırnaqiçi “ziyalılar” özünüzü dırnaq içindən çıxarın! O yazıq qızı da rahat buraxın! Yığışdırın, bu düşük boşboğazlığı!”
Qeyd edək ki, ötən günlərdə "Kanal S"in aparıcısı Nigar Fərhadın "oğluma atasız qız almaram" sözlərini dilə gətirmişdi və bu da ictimaiyyət tərəfindən birmənalı qarşılanmayıb.
