Bu gün Masallı rayonunun bəzi ərazilərində elektrik enerjisinin verilişində müvəqqəti məhdudiyyət olacaq.
Cenublu.az xəbər verir ki, Masallı Elektrik Şəbəkəsinin ərazisində 35/10 kV-luq "Bambaşı" yarımstansiyasından çıxan 10 kV-luq 8 saylı hava xəttində təmir işləri aparılacaq.
Bununla əlaqədar olaraq saat 10:00-dan 16:00-dək rayonun Alaşa, Yeyənkənd, Yolağac və Zuvand kəndlərində elektrik enerjisinin verilişində məhdudiyyət yaranacaq.
Bildirilib ki, təmir işləri başa çatdıqdan sonra sözügedən kəndlər daha keyfiyyətli və dayanıqlı elektrik enerjisi ilə təmin olunacaq.
